Hjarteleg til lukke!

Vi gratulerer Inghild og Innestemmen som vart Valentin-vinnarane våre! Dei to får kvar si e-bok. Ta kontakt med oss, så kjem pakken rett i e-postboksen din.  

Eigentleg hadde vi berre tenkt å lodde ut éi e-bok, men sidan responsen var så stor,  og dette er dagen for å dele - utvida vi gåvebordet.  

Samtidig er vi glade over å kunne lansere den engelske utgåva av e-bok nr 2 akkurat i dag: "More mittens from the fairy forest". Dette betyr at alle som kjøper (og har kjøpt) ei e-bok av oss automatisk får både den engelske og den norske utgåva. 

Kanskje ein gåve-idé til nokon du kjenner som bur langt borte frå den norske eventyrskogen - og/eller likar betre å strikke på engelsk?

Varm helsing oss alle åtte i Vottelauget <3

PS: Inghild (nr 5 på lista) og Innestemmen kan ta kontakt på frida.fielding(krøllalfa)yahoo.com. Er du på Raverly, kan du få e-boka rett i biblioteket ditt der. Men vanleg e-post går også fint. Oppdatert: Begge vinnarane har fått premien tilsendt no!

Nye vottemønster er i svevet!

Vi i Vottelauget dryssar sju nye vottemønster ut til folket no i desember.
Judith (til venstre) og Tori (til høgre). Foto: Ann Myhre

Desember er månaden for gåvedryss og overraskingar. Vi i Vottelauget gler oss til å snart sleppe laus sju heilt ferske vottemønster i "Flere votter fra eventyrskogen". Ja, for sju slag skal det sjølvsagt vere!

Du kan vinne denne nye e-boka om du følgjer med her på bloggen vår framover: I morgon, på Luciadagen/Lussimesse, legg vi ut foto og nokre hint om det første mønsteret, og då kan alle vere med på å gjette kva for eit eventyr desse vottane er inspirerte av. Allereie i dag kan vi røpe såpass at det er Torirot/Tori Seierstad som har laga mønsteret.  Velkomen til ei eventyrleg førjulstid i lag med oss!