 |
| Det historiske fotoet: Vottelauget samlast for første gong, og lanserer den første e-boka under Strikkedagene på Sjølingstad september 2014, i forkant av publiseringa på Vottedagen 14. oktober. (Fotograf: Liv F.) |
Vottedagen er bursdagen vår
Dette synest vi var den perfekte dagen, og brukte ordet Vottedagen då vi fortalde om e-bokplanane til alle strikkeglade vi kjende. Vottedagen 14. oktober er deretter blitt ein slags felles bursdag for oss i Vottelauget, sidan dette var dagen då votte-eventyret vårt starta for alvor.
Opp gjennom åra har vi feira den magiske datoen 14. oktober mellom anna ved å lansere nye votteoppskrifter, og vi har også fleire år arrangert vottedagar på Maihaugen i Lillehammer.
#Vottedagen spreidd til utlandet
På Instagram har vi også brukt emneknaggen #vottedagen når vi har feira med strikk 14. oktober. I dei seinare åra har vi sett at denne namnet har spreidd seg og inspirert mange til å vise fram sjølvstrikka vottar akkurat denne datoen. Emneknaggen har også dukka opp i utlandet, spesielt i Sverige, der strikkarar også deler vottefoto, og skriv slikt som "i dag firar man i Norge Vottedagen, som en markering för att vinterhalvåret har börjat".
Litt som Henrik Wergeland?
Så vi lurer litt på: Var det faktisk vi i Vottelauget som gjorde Vottedagen til festdag, sjølv om omgrepet nok også vart brukt før vår tid? Vi tar gjerne imot synspunkt og historiske fakta!
For kanskje er vi litt som salige Henrik Wergeland, som vart hylla som "han som innstifta da'n", men som historisk sett ikkje var den som starta feiringa av 17. mai, men som heller vart den som gjennom talar og dikt verkeleg fekk spreidd nasjonaldagen vidare til folket.
Lesetips: I blogg-innlegget Vottelauget feirer Vottedagen (2015) forfatta av Wenche i Vottelauget, kan du lese meir om merkedagane på primstaven, og bakgrunnen for feiringa av Vottedagen.
Og 1. oktober får du vite kva vi har valt ut som månadens utfordring!
