Monster-jul

Blir du litt sprø av den søte og koselege jula? Då kan det vere godt å hente fram monstervottar, og halde verda på ein armlengdes avstand.

Vottane "Nøkken" kan strikkast for både små og store, og finst heilt ned til størrelse 2 år.

Og berre kjenn kor herleg det er å spreie prikkane (lusa) vilt omkring på kroppen til Nøkken, utan å måtte følgje eit strengt lusekofte-mønster.

I dette blogginnlegget (lenke) kan du sjå endå fleire variantar av vottane Nøkken, og lese om korleis Merete i Vottelauget skapte denne oppskrifta.

Nøkken blir også gjerne med på aketur, og toler nok det meste:

 

Ekstraprisar i påskevott-strikken!

Copyright, foto: Lone Arnsted

Eventyrblomster var strikkekjærlighet ved første blikk. Og blomster fra et eventyr er ganske fargerike i mitt hode... Takk for inspirasjon - dette er gøy!!! 

Dette skreiv Lone Arnsted undervegs i påskevottstrikk-konkurransen vår (på Facebook) - og gratulerer
Lone!  Takka vere ditt fargesterke bidrag, med heile åtte ulike nyansar i Finull, har vi i Vottelauget bestemt oss for at du får ein av dei fem ekstraprisane våre: nemleg Fargefrydprisen!

På bloggen til Lone kan du under "Got My Mittens out" lese meir om korleis desse eventyrlege vottane vart laga, og ikkje minst - trikset med å spyttspleise garnendar! Her kan du også nyte fleire foto, pluss lenke til prosjektet på Raverly.

Copyright, foto: Marit/elle-melle

Restegarnprisen: Ei anna som har boltra seg med garn og fargar er Marit. Ho kledde Soria Moria-vottane i ein vakker påskepalett med gult, grønt og lilla - under tittelen "Soria Moria again". 

Marit har nemleg strikka dette mønsteret frå e-bok 1 heile fire gonger! Og alltid med eit suverent blikk for stilige fargekombinasjonar. Sjå berre her på bloggen hennar, elle-melle.
Gratulerer med Restegarnprisen, Marit! 

Copyright, foto: Marit/elle-melle

Men strikketempoet til Sølvi Ekholdt Helgesen denne påska tok heilt pusten frå oss i Vottelauget: Ho strikka nemleg heile åtte par eventyrvottar i konkurransen vår! Og vi oppretta dermed sporenstreks Produktiv påske-prisen: 

Copyright, foto: Sølvi Ekholdt Helgesen

Det viser seg at det også ligg eit alvor bak moroa med å strikke vottar i påska. Her Sølvis eigne ord (på oppfordring frå oss) om grunnen til at ho er så produktiv med strikkepinnane:

Påsken 2012 så jeg et bilde av 5-6 hjemmestrikkede luer som skulle sendes til fattige i Ukraina her på FB Tenkte at dette var noe jeg ville være med på og kontaktet personen som hadde lagt ut bilde og dermed begynte snøballen å rulle...luer ,sokker votter ,skjerf +++ble strikket og det har jeg fortsatt med . Mine bidrag går til Stiftelsen KPK Ukraina som driver humanitært arbeid i Uzhgorod by og distriktet rundt ( vest Ukraina )
Gjennom stiftelsen har jeg fjernadobtert 3 av 7 søsken (sigøynerbarn).Ingen kan hjelpe alle men alle kan hjelpe litt. 21.mai reiser jeg for 3. gang til Ukraina heart emoticon heart emoticon
Hvis noen har interesse av å vite mer kan dere gå inne her http://www.kpk-ukraina.com/

Sølvi, Marit og Lone kan vente seg ei garnoverrasking frå Vottelauget i posten, så snart vi har fått adressene. Hurra til alle tre!

Men påskeegget er enno ikkje ferdig tømt! Vi avsluttar med  Påskeflaks-prisane: Mellom alle som har deltatt med bidrag i denne uhøgtidelege konkurransen, har vi hatt loddtrekning, og funne desse to vinnarane:

Copyright, foto: Ullugla

Ullugla, med bidraget "Nøkken - påskeutgaven" (lenke til Raverly) strikka i gult Finullgarn og sauesvart Norsk kunstvevgarn. Ein knallstilig vri på Nøkken-mønsteret frå e-bok 1 ! Er det påskeegg frå høner eller nøkkar som skjuler seg på handflatene, skal tru ...?

Hoppsideisi med bidraget Blåbærvotter på påsketur (lenke til Raverly). Slik elskar vi å sjå vottemønstera våre: Nemleg i bruk, både høgt og lågt, på fjellet (og i byen)! 

Gratulerer til både Ullugla og Hoppsideisi! Begge kan velje seg eitt strikkemønster på Raverly  (utanom e-bøkene), som er laga av ein av desse i Vottelauget: Torirot/Tori Seierstad, Pinneguri/Ann Myhre eller Knitnetty/Wenche Roald. Berre ta kontakt direkte via Raverly og sei kva for mønster du ynskjer deg som gåve frå vedkomande. 

Og til slutt: Hjarteleg takk og applaus til alle som deltok i påskevott-strikken! 
Har nokon spørsmål eller anna: bruk e-postadressa til Frida i Vottelauget: frida.fielding(krøllalfa)yahoo.com

Vårfryd for påskevott-juryen

Påska er over, primstaven er snudd -  og vi har fått ein fargesprakande bukett i fanget i påskevottstrikk-konkurransen vår! 

1:9 PÅSKEBÆR (Blåbærskogen) og PÅSKELAUV (Eventyrlauv)

2:9 DYRISK PÅSKE (Bukkene Bruse - Grantreet (med harar), Geitekillingen, Nøkken 
- og Reveenka/Haren og reven)

3:9 PÅSKEBLOMSTER og PÅSKELADDAR
 (Eventyrblomster og Askeladden)

4:9 HEKSAS PÅSKEGODT (Heksas godterivotter)

5:9 SORIA MORIA og TORNEROSE 

6:9 (oppdatering): Nøkken og Bærvotter på påsketur

7:9 (oppdatering) Alvas Eventyrblomster

8:9: SØLVIS PRODUKTIVE PÅSKE: Åtte ulike vottepar!

9:9 (oppdatering) ... og Ulluglas Påskenøkken (Nøkken)

Fristen for deltaking gjekk ut i går, på den første sommardagen (14. april) - og vi i Vottelauget prøver no å få ei oversikt gjennom desse fem ulike "vottevegg-tavlene". Saknar du dine vottar her - sei ifrå!  (Copyright til foto: deltakarane)

Fram mot helga skal vi gå igjennom heile bunken, før vi kårar vinnarane. Vi har annonsert to premiar, for 1) beste påskevott og 2) for beste påskevott-foto ... men det kan godt hende at vi bestemmer oss å dele ut minst éi ekstra overrasking, sidan deltakinga har vore så stor! 

Torirot har laga desse to vårlege strikkeposane, som er fylte med overraskingar til kvar av dei to hovudvinnarane. Så berre følg med her på vottebloggen dei neste dagane!

Nøkken på strikkekafe

Nøkken ble ikke ferdig i løpet av #romjulsstrikk'en, men er ferdig nå og fikk vist seg fram på strikkekafeen på torsdag sammen med de andre eventyrlige vottene. Anne og Haldis ble heldige vinnere av hver sin vottebok, og se så glad Tone ble for å vinne garnpakke fra Sjølinsgstad! Til neste strikkekafe - som blir tredje torsdag i februar - skal garnet bli til votter, lovte hun. Så da ses vi kanskje på Atelier Kakao, Lillehammers chocolaterie, den 19. februar? (En annen ble også trukket ut til å vinne bok, men hun hadde begge bøkene fra før, og har vist fram fire par votter på Ravelry allerede. Hun har fått en trøstepremie.)

PS: Nøkken er strikka i guloransje Finullgarn og rødt Lamullgarn, begge fra Rauma, i størrelse 4-6 år.

Vinnarane av ekstra-prisane er ...

Babben (Singelvott-prisen), Gyro (Hjarteknusar-prisen), Cronelinem (Mørketid-prisen), Kråkedans (Restegarn-prisen) og Quiltebirte (Fargefryd-prisen). Gratulerer til alle fem!

*** Singelvott-prisen ***

Foto: Babben

Babben får Singelvott-prisen for "Eventyrblomster" i Kauni Effektgarn i fargane green/purple (og Pt2). Her er nokre av kommentarane frå juryen: 

Pent arbeid, fine farger, nydelig mønster og dekorativt fotografert. Dessuten blir vi nysgjerrige på hvordan vott nummer to blir siden fargene endrer seg!

Ja, får den lilla eventyrvotten din ein grøn partner, Babben? Vi følgjer spent med vidare! Her er prosjektsida til "Eventyrblomster"-vottane til Babben på Raverly. Og her er bloggen hennar, Babbens Idéverksted.

Merknad: Singelvott-prisen er éin av fem ekstra-prisar som vi i Vottelauget spontant oppretta, undervegs i avstemminga. Det var fleire flotte - men single - kandidatar i denne konkurransen: Og dette er slett ikkje rart:  Fristen til innsending av foto var berre på litt over to veker, og sanneleg er det berre éin månad sidan e-boka vår vart publisert (på Vottedagen 14. oktober). Vi er imponerte over responsen og tempoet på strikkepinnane! 

Premien til Babben er:

Ein vottegarn-pakke, spandert av Malsen og Mor! 

*** Hjarteknusar-prisen ***

Foto: Gyro/Fivrel

 Gyro får Hjarteknusar-prisen for dokkevottane "Foxy  chicks' blueberry mittens" i Finull. Desse bittesmå vottane både knuste og smelta hjarte i juryen!

Då vi i Vottelauget bestemte oss for å gi ut e-bok, passa vi på å både ta med barne-, dame- og herrestørrelsar, for å tilby noko til flest muleg. 

Men dokkene tenkte vi ikkje på! Og som Gyro nemner, desse vottane kan også passe til ein baby. Her kan du lese heile den sjarmerande historia bak vottane til dokka Alva, og sjå fleire foto av "Foxy chicks' blueberry mittens" av Gyro/Fivrel på Raverly.  Og her er bloggen hennar, Fivreldagar. 

Premien til Gyro er:

Ein vottegarn-pakke, 

spandert av Hillesvåg Ullvarefabrikk. 

*** Mørketid-prisen ***

Foto: Cronelinem (frå Instagram)

Cronelinem får Mørketid-prisen for "Nøkken". Denne barnevotten lyser verkeleg opp i vintermørkret! 

Det gule gliset fortel vel at det er dårleg med tannkrem i tjernet, eller har kanskje Nøkken fått låne gulltennene til Leo Ajkic?

Her fortel Cronelinem litt meir om vottane: 

Passer perfekt for en 1. Klassing som har mye utetid. Strikket i finull: mørkeblå bunn, mellomblå, lyseblå, grønn, fiolett og rosa. 6 farger. 
Ønsket å la Nøkken bli fargerik som naturen og eventyrene er.

Premien til Cronelinem er:

Ei garn-overrasking frå Monstermønster/Merete Jansvik Toft, som har laga "Nøkken"-designet.

*** Restegarn-prisen ***

Kråkedans får Restegarn-prisen for "Bukkene Bruse". Vottar er perfekte til restegarn, og fleire kandidatar i konkurransen vår har laga stilige vottar på denne måten. Berre sjå på fotocollagen av alle dei 37 deltakarane. Det spesielle med vottane til Kråkedans er historia bak alle restane  - og dette er både spennande og rørande å få innsikt i: 

Les korleis ho strikka inn personlege minne i barnevottane, her på prosjektsida til "Bukkene Bruse"-vottane til Kraakedans på Raverly. 

Premien til Kråkedans er:

Ei garn-overrasking frå Silkesauen/Frida 

*** Fargefryd-prisen ***

Foto: Quiltebirte

Quiltebirte får Fargefryd-prisen for heile vottesamlinga si! Ho skrudde skikkeleg på sjarmen med dette fotoet, og vi i Vottelauget fall pladask. Her ser vi tre ulike par Tornerose-vottar, Blåbærskogen med alle slags bær, Eventyrblomster med ny vri på mansjetten - og kronen på verket: 
Votten ho kallar "Mysteriereveenkablåbær". 

Her er hennar eigne ord:

Mysteriereveenkablåbærne er veldig inspirert av primstavmerkinga dere skriver om på vottebloggen. Bjørnen går i hi, spiser blåbær og må ha en fin stjernesol i sitt mørke hi ... Har brukt grå Kauni (...) på rester av finull pt2 og kauni.... Fra lageret mitt som bare vokser...... Skal definitivt strikke meg gjennom hele Eventyrvotteboka!!! 

Vel, Quiltebirte, vi kunne ikkje oversjå den fargerike innsatsen din!  

Her er prosjektsida til éitt av vottepara til Quiltebirte: "Blåbærskogen med tyttebær og multer" (under namnet MorMonsensMix) på Raverly.

Premien til Quiltebirte er:

Ei garn-overrasking frå torirot/Tori Seierstad. 

Puh! Dermed set vi eit endeleg punktum for denne konkurransen, også med eit visst stikk i hjartet: For som tidlegare nemnd skulle vi gjerne ha gitt pris til absolutt alle deltakarane! Men Vottelauget har mange fleire idear på lur, så nye utfordringar ventar nok rundt neste sving i eventyrskogen!

Til dei fem som har fått pris: 

Vi treng postadressene for å få sendt garn-premiane, 

så ta kontakt med Vottelauget ved Frida: 

frida.fielding(krøllalfa)yahoo.com

Vinnaren av fantasi-prisen er ...

Foto: Veronica A. 

Lillenøkken  av Veronica A.! Gratulerer! 

Forteljinga om den frustrerte Lillenøkken kom inn til oss i juryen seint på kvelden 11. november, altså like før fristen gjekk ut, og framkalla mykje latter og applaus. Her er Veronicas eigne ord om barnevottane ho strikka til Storesøster:

Lillenøkken har en dårlig dag. Alle kan se hvorfor. Det går jo ikke an å ha troverdighet som skummelt, mystisk uhyre når man er iført genser og lue. Men, mammanøkken er sjefen og hun insisterer på ull nå når det har lagt seg is på tjernet. Grmf!

Foto: Veronica A.

Les heile historia om desse stilige vottane, og sjå fleire foto på bloggen til Veronica, Fokus på strikk/Solkyststrikk. Veronica leverte faktisk også to andre bidrag til konkurransen, desse kan de sjå hos henne under namnet "Solky" på Raverly. 

Premien til Veronica er: 

Ein garnpakke frå Sjølingstad Uldvarefabrik - og det heilt ferske mønsteret "Eventyrlua" av torirot/Tori Seierstad. Designet hennar er bygd på vottane "Eventyrblomster" frå e-boka vår. Hurra! 

I morgon (laurdag) kunngjer vi vinnaren av handlag-prisen. Og: allereie no kan vi røpe at det blir endå fleire prisar enn først planlagt i denne eventyrlege vottekonkurransen! Vi i Vottelauget vart så sjarmerte og imponerte av alle dei 37 kandidatane at fleire pris-kategoriar måtte til, utan tvil! Desse ekstra-prisane presenterer vi søndag, så følg med vidare!

Originalen som Veronica vart inspirert av,
er "Nøkken" av Monstermønster/Merete Jansvik Toft
(foto/copyright)

Og helst ville vi også ha hatt alle desse konkurrerande vottane i fanget, slik at vi kunne klappe på dei, sjekke passformen og teste dei skikkeleg i bruk. 

Ja, tatt dei med til eit tjern i eventyrskogen eller på ein lang skitur - eller på ball i kongens slott! 

Men alt dette får bli ein annan gong ...  i eit anna eventyr.

Prikkedøden - variasjoner over mønster

Nøkkenvottene funker også uten gliset til nøkken.

Jeg strikket avgårde på barnestørrelsen, og plasserte lusene helt tilfeldig med 1-5 maskers mellomrom, slik at jeg slapp å snurre tråden på baksiden, men at jeg ikke plasserte lus oppå lus, for å ikke få loddrette striper i vottene.

Tommel og toppfelling gjorde jeg som i Nøkkendiagrammet, men ellers var det ikke noe å følge med på av mønster, noe som gjorde dem raske å strikke.

En kjekk variasjon for den son har lyst til å strikke noen kjappe votter med to farger. De blir varmere av luftlaget som fanges mellom trådene, og det er moro å strikke litt fritt.

Resultatet er votter med masse prikker som kan minne om snøstormen vi så på tvskjermen når tvsignalet faller ut, eller prikkedøden - for å holde seg til skumle ting.


Vottelauget kjører konkurranse for tiden, hva med å strikke en vott i helgen fra et av mønsterne våre, enten inspirert av eller din egen versjon, eller fineste vott?
Fristen for å bidra er tirsdag 11.november.

http://eventyrligevotter.blogspot.no/2014/10/konkurranse-i-eventyrstrikk-bli-med.html

Troll i teksten (korrekturliste)

Ingen er feilfri, heller ikkje Vottelauget. Vi har laga denne e-boka heilt på eiga hand, og på vegen gjennom ukjende skogar er det sjølvsagt lett å snuble.  Men vi kjem til å dra alle tekst-troll nådelaust fram i lyset etter kvart som dei dukkar opp!

Vi har no oppretta ei eiga side (trykk på Kittelsen-trolla i høgremargen!) der vi fortløpande kjem til leggje inn korrektur for e-boka "Votter fra eventyrskogen". Vi vil også setje stor pris på tips om nokon oppdagar uheldig trollskap i enten tekst eller diagram! 

I skrivande stund har vi berre oppdaga ein feil. Om feila viser seg å bli for mange, kjem vi til å lage ei oppdatert utgåve av heile e-boka, som alle kjøparar då får tilsendt automatisk på e-post via Raverly. 

English: We have found one errata in the pattern Nøkken (size 6-8 years) in our e-book.  The chart is correct (44 sts), the text is wrong (46 sts). Please click on the drawing with the three trolls for updates!

15. oktober 2014: Nøkken (Design: Merete Jansvik Toft):

Det har sneket seg inn en feil i str 6-8 år; teksten sier 46 masker, mens diagrammet sier 44 masker. Strikk etter diagrammet. Har du kommet langt av gårde på 46 masker, går det an å fordele de to ekstra maskene på hver side av votten, så blir det greit å følge fellingen allikevel.

Nøkken

Nøkken er det mørke, mystiske vesenet som trekker deg mot tjernet, et av de litt mer skumle figurene i eventyrskatten vår. Eventyr er ikke bare kos, halve moroa er jo de skumle figurene som gir skygge til fortellingene, kampen mellom det mørke og det lyse hadde vært mye kjedeligere uten den ene siden.

Og hva vet vi egentlig om Nøkken? Er den skummel, eller er den bare lei av å bade alene i tjernet, siden den prøver å lokke deg uti vannet ?

Nøkken i denne versjonen er ikke så skummel, den smiler jo! Men et slikt glis kan være ørlite skummelt om du er ute og bader, og Nøkken kommer opp ved siden av deg og gliser bredt.

Vottene falt i smak hos ungene, siden det var ganske moro å sette sammen hendene slik at de så Nøkken smile til seg. Eller snike seg innpå og skremme andre.

Og siden både jeg og ungene setter pris på skummelglade votter, så laget jeg votter til alle mann, så det er flere barnestørrelser og to voksenstørrelser. Votter foretrekker jeg i ren ull, så jeg strikket dame- og herrevottene i Finull, og for å få litt pelsfeeling på Nøkken, så strikket jeg barnevottene i Hverdags fra Du store alpakka, et garn med alpakka og ull i blanding. Begge garntypene gav fine votter.

Jeg har strikket Nøkken i svart og hvitt, men de funker like bra i andre farger, så lenge du velger farger med god kontrast, slik at gliset og øynene kommer godt frem.


Håndflata er tilfeldig plasserte flekker i Nøkkens pels, nesten som en snøstorm?

Håper du får like moro av dem som jeg har !

I morgen kommer ... tripp, trapp, tripp, trapp, tre bukker som skal til seters.

Vottelauget er overvelda - og opnar gåveskrinet!

Torirot/Tori Seierstad har funne nøkkelen til gåveskrinet vårt!
(foto: Pinneguri/Ann Myhre)

Vottedagen nærmar seg natta, og vi i Vottelauget har verkeleg hatt ein overveldande dag! Etter at vi la ut e-boka vår "Votter fra eventyrskogen"  til sals via Raverly, varte ikkje lenge før den første interesserte melde seg.

Utover dagen har bestillingane tikka inn jamt og trutt, og i ettermiddag hadde vi seld over 100 e-bøker! 

Hjarteleg takk til absolutt alle, også til dei som ikkje har handla, men som har kome med rosande og inspirerande ord, delt ut hjarte og gitt oss tommelen opp! Spontant har vi difor bestemt oss for allereie i kveld opne opp gåveskrinet vårt, og dele ut to ulike garnpakkar som ei symbolsk takk.

Vi seier hurra til e-bokkjøpar nr 1, Kate Fredriksen, og e-bokkjøpar nr 100 Lena-Anita frå Sverige! Vi har vore i kontakt med begge to, og slik blir fordelinga: Lena-Anita får ein pakke med Finullgarn frå Rauma Ullvarefabrikk, i dei fargane ho ynskjer,  for å strikke eitt av vottemønstera frå e-boka. Kate, som har lyst til å prøve seg på Reveenka, får ein overraskingspakke rett frå Frida & Silkesauen i Vottelauget.

"Kom bukken, til votten!" Geitekillingen snusar på ullvottane "Bukkene Bruse" 
(Design: knitnetty/Wenche Roald), strikka i Finullgarn frå Rauma. (foto: Pinneguri/Ann Myhre)

Men gåveskrinet vårt er slett ikkje tomt, så berre følg med vidare! Og hugs at i morgon (15. oktober) her på bloggen kan du bli betre kjend med Nøkken!

Den eventyrlege votteboka er her!

Sju eventyrlege vottemønster, her dandert av torirot/Tori Seierstad
(foto: Pinneguri/Ann Myhre)

I dag opnar vi endeleg eventyrboka vår, fylt med sju heilt ferske strikkeoppskrifter! Vi i Vottelauget har lenge gledd til å kunne vise fram mønstera våre, alle inspirerte av eventyr og forteljingar vi kjenner frå barndommen.

Bukkene Bruse. Design: knitnetty/Wenche Roald.
(foto: Ann Myhre på Maihaugen)

Lanseringsdatoen for e-boka "Votter fra eventyrskogen" er ikkje tilfeldig valt: I følgje gammal tradisjon er 14. oktober nemleg den første vinterdagen, og primstaven skal bli snudd frå sommarsida til vintersida. Og kva ser du som første symbol? Jau, ein vott! 

På denne Vottedagen legg vi altså e-boka vår ut til sals via Raverly. Planen er også å kome med ei engelsk utgåve, om nokre få veker. 

Soria Moria (til venstre) og Tornerose (til høgre).
Design: torirot/Tori Seierstad

Vi som står bak, altså Vottelauget, er åtte norske bloggarar som har brukt både vinteren, våren og sommaren til å skape nye vottemønster. 



Ikkje minst har vi også hjelpt kvarandre med teststrikking, heia-rop, korrekturlesing, diagram-mekking, fotografering og e-bokdesign.

Nøkken. Design: Monstermønster/Merete Jansvik Toft
(foto: Tori Seierstad)

Planen vår er at dette kan vere starten på ein serie med små e-bøker, men først må vi sjå korleis de der ute tar imot dei eventyrlege vottane våre. Kom gjerne med innspel, spørsmål og respons!

Blåbærskogen. Design: knitnetty/Wenche Roald
(foto av Tori og Møyfrid: Ann Myhre)

Reveenka. Design: Silkesauen/Møyfrid (Frida) Engeset

Kvar dag framover skal vi la deg bli betre kjend med dei sju ulike vottemønstera her på bloggen,  med éitt mønster per dag, presentert av den enkelte designar. Då får du også endå fleire foto, endå fleire detaljar - og undervegs vil det også dukke opp konkurransar, garnpremiar og anna moro!

Eventyrblomster. Design: torirot/Tori Seierstad
(foto: Ann Myhre)

Fleire foto og meir informasjon finn du også på Raverly, der e-boka vår er til sals frå i dag.

Spent strikkehelsing frå oss åtte i Vottelauget 

PS: Her på fellesbloggen vår i morgon (15. oktober) lar Monstermønster/Merete deg bli endå betre kjend med Nøkken!

Vart du skræmt no ...??? Nei, vi håpar at du tvertimot er blitt inspirert - til å strikke vottar, så klart!
(Nøkken. Design og foto: Monstermønster/Merete Jansvik Toft)